冷氣機滴水有一排時間，一直用玻璃兜接住，昨日在親子論壇看到有人DIY，嘗試一下，竟然有效，現在post在這裡和大家分享一下：
1.用把梯爬上去，先揭起個機蓋(同洗隔塵網一樣)，冇乜難度
2.取出隔塵網(其實可以吾洗取)，但會方便D
3.要扭開哂所有機殼既鑼絲(每部機有几多粒鑼絲係吾定，我部機就有6粒)，一般係底有3~4粒、兩側各有1粒，個頂係無
4.跟住要將成個機殼取出(呢度有D難度，用少少力)，先輕力拉開殼底，兩邊各有一個扣，機頂有2~3個隼扣(所以冇鑼絲)
5.跟住會見到成個機身，係頂部有D銅色密封既喉，怖滿水珠(就係果D倒汗水既來源)，下面有出風口，最底就係裝滿水同布滿塵既水兜。(側邊會有D感應器或零件，吾好攪佢)
6.水兜兩邊既其中一邊會見到個去水"loan"，個"load"好細，直徑1cm左右，週圍通常係塞滿塵，當塞滿塵就會攪到D水去得好慢，慢慢就會滴水，甚至會比風吹左D水出尼
7.揾條尺零長幼身膠喉，一邊剪尖，伸入個"load"度，係另一邊用力吹條喉，盡量吹走塞係入面D塵，頭兩三下會感到難吹D，之後慢慢會通哂，會見到水兜D水會流得快左
8.因水兜個位好窄，好難抹，要揾D厠紙索乾水兜D水，同"new"走D塵。
9.之後順便抹下部機同洗下個殼同隔塵網，再装返哂D野就掂
成個過程約30分內應可攪掂，視乎手勢。 |
